खोटे सिक्के

तेजा अर उसके दोस्त स्कूल म्ह सबतै स्वादू हैं। पिछले बैंच पै बैठणिए ये बाळक भिड़ज्या हैं सीनियर बाळकां गैल। तेज़ा जब वंदना नै अपणे दिल की बात बताण जावै है तो सीनियर बाळक उड़ै आज्या हैं। इब के होगा तेजा का? के दिल की बात बता पावैगा वो वंदना नै?

रूपा तेजा नै वंदना के जन्मदिन के बारै म्ह बतावै है। सारे दोस्त मिलकै रपिए कट्ठे करण लागज्या हैं पर अचानक बेरा पटै है के वंदना आज स्कूल ना आई । के है वंदना के ना आण की वज़ह?

सब मिलकै वंदना का जन्मदिन मनावै हैं पर तेजा अर वंदना‌के बीच एक गलतफहमी पळज्या है। तेजा की सारी आशा पै पाणी फिरग्या। इब तेज़ा के दिमाग पै इसका के असर पड़ैगा?

स्कूल के सीनीयरस अर जुनियरस म्ह हौड़ लागज्या है खेल प्रतियोगिता जीतण म्ह। दाव पै वंदना है। तेजा खेल म्ह हारया तो वंदना नै भी हार जागा। तो के लिकड़ैगा निष्कृश?

नाटक अर डांस प्रतियोगिता म्ह दोनू पक्ष जोर लगारे हैं। खेल जीतण खात्तर साज़िश भी होवै हैं पर अंत म्ह जीत किसकी होवैगी? के वंदना अर तेज़ा करीब आ पावैंगे?

इतणी सारी मुश्किलां के बाद‌ तेज़ा हिम्मत करकै वंदना नै एक पर्ची पर अपणे दिल की बात लिखकै दे दे है। के जवाब होवैगा वंदना का? के तेजा का दिल टूट जागा या दोनूआं के दिल जुड़ जांगे?

ये पिछले बैंच आळे अळबादी दोस्त तेजा अर वंदना नै एक कमरै म्ह बंद करदे हैं। जब वंदना कमरा खोलण की कोशिश‌ करै है तो‌ उड़ै प्रिंसिपल आज्या है अर वो दोनूआं नै कमरै म्ह एक साथ देख ले है। इब के बणैगी इन गैल?