बेरोज़गार इंजीनियर

आ कहाणी एक बेरोजगार इंजीनियर री हैं जिको नाम है सूर्या। मिडिल क्लास परिवार रो ओ छोरो अपणे जन्मदिन वाळे दिन दोस्तां नै पार्टी देबा खात्तर बार म चलो जावे है। बठीने घरवाळा बिकी बाट देखै हैं अर अठीने ओ दोस्तां सगे पीवै है। घर वाळा नै जद पतो पडेलो की बान्को बेरोजगार बेटो पीवै है तो बांपर कांईं बितेली ?

सूर्या रा बाबूजी बिने रपियां री तंगी रै बारा मं बतावै है, सूर्या कन बिकी गर्लफ्रैंड अंजली नै खवाबा प्याबा रा रपिया भी कोनी होवे इलीये बो बीने रेस्टोरैंट की वज़ाय ढ़ाबै पै लेजवे है। कांईं अब छोड़ देसी अंजली बिनै बीकी गरीबी देखअर् |

ऐपिसोड मांई सूर्या अपकी गर्लफैंड सागे खाणो खाबा खात्तर तो बैठगो पण बिकन रूपिया कोनी होवे। इब कांईं जुगाड लगावैलो सूर्या? कांईं इब होटल रा झूठेया् बर्तन धोणा पड़सी बिने ? कांईं छोड जावेलु अंजली सूर्या री गरीबी नै देखअर्?

आखिरकार सूर्या रे कने एक नौकरी खात्तर इंटरव्यूह रो कॉल आवै है। बिकी गर्लफ्रैंड बिकी मद्द करै है इंटरव्यूह की त्यारी करवाण म्ह, पर अचानक सुं अंजली रो फोन आवे है अर सूर्या रो मूड खराब होजावे है। आखिर कांईं बात होई फोन माथे जो सूर्या उदास होग्यो। कांईं अब सूर्या इंटरव्यूह दे पावैलो?

सूर्या रा सग्ल़ा दोस्त धीरै-धीरै नौकरी लाग्गर्या हैं अर उन दोस्तां रा घरआळा पार्टी म्ह सूर्या री बेरोजगारी माथे ताने मारै हैं। सूर्या का बाबूजी बीने नै घरनै आकै सुणान लागज्यावे है। आखिर अब कांईं कदम उठावेलो सूर्या?

नौकरी खात्तर सूर्या नै एक उम्मीद नज़र आवै है। कपंनी वाळा बिसुं बीस हजार रपिए मांगे हैं। फेर सूर्या एक गलत कदम उठावै‌ हैं। आखिर कांईं है वो गलत कदम?

सुर्या री बहण़ मेघना घरआळा ने नोकरी करबां री कहवे हैंतो बिरा बाबुजी मना कर देवे हैं। माँ अर अंजली रे समझायां पाछें सुर्या रो मुड कुछ ठीक होजावें हैं। अर बो नोकरी लाग जावे हैं। पण डुय्टी सुं आता टेम अंजली सागे एक हादसों होजावें हैं। ब.कांईं होगो अंजली रै?

सूर्या रा बाबूजी सूर्या नै एक कंपनी मां लगवादेवे है। बठीने सूर्या रो दोस्त स्वामी नै रपियां री जरूरत पडज्यावे है। रूपीयां री तंगी रै चक्कर मं वो एक गलत कदम उठाबा रो फैंसलो लेवै है। कांईं सूर्या रोक पावैलो आपका दोस्त नै?

सूर्या री कंपनी वाळे बिनै नौकरी सुं निकाल़ देवे हैं। जीकी वज़ह सुं बिका बाबूजी बिनै बहोत सुणावै है। दुसरी कानी अंजली अपका बाबूजी नै सूर्या रे बारै म्ह बता देवे है अर सूर्या ने बिका बाबूजी सुं मिलबा खात्तर कवै है। इब कियां जावैलो बेरोजगार सूर्या अंजली रा बाबूजी सुं मिलबा?

सूर्या रा.सग्ल़ा दोस्त चोखा रूपिया कमाबा लागजावे हैं। बेरोजगार सूर्या दुखी होर अर अपका मां-बाबूजी रा ताणा सुण अर् खुद नै कमरै म्ह बंद करलेवे है। सारी उम्मीद टूटबा रे पाछे अब कांईं होवेलो सूर्या रो ? कांईं नौकरी मिल पावैली बिनै या सारी उम्र रह जावेलो बेरोजगार