Bohot Hogya
Hamare aas-pass bohot kuch galat aur bura ho raha hai, jiske wajah se sabke anda......more
Hamare aas-pass bohot kuch galat aur bura ho raha hai, jiske wajah se sabke andar gussa hai, bus log keh nahi paa rahe hain. Iss show ke madhyam se hum aise samajeek muddo ko uthaane ka prayaas kar rahe hain aur door-door tak apni aawaz pahunchane ki koshish main hain.
Episode 1
Bohot Holya R Neta
3 m
Iss episode ke maadhyam se hum netaon ko sambodhit kar rahe hain, kyunki jab vote lene hote hain to neta bade-bade vaade karte hain, aur jab bholi-bhaali janta unke jhaanse main aa jaati hai to mukarte hain. Ab ye bholi-bhaali janta jaagruk ho rahi hai, aur netaon ko bol rahi hai ki abhi tak tum logo ne hame bohot loot liya, par ab nahin loot paoge.
Episode 2
Bhai Kisan Tu Jaag R
2 m
Humari 3 moolbhoot aavashaktaon main se ek aavashakta kisan poori karta hai, magar fir bhi usse wo izzat nahi milti jo usse milni chahiye. Na to anaaj ke bhaav milte hain, ulta jagah-jagah baat-baat par usse kasa jaata hai. To hum uss kisan ko jagaane ke liye keh rahe hain, ab bohot hogya tere saath anyay, tu uth or apne haq ke liye lad.
Episode 3
Chori Chedan Aalo Thari Ib Kher Na
2 m
Aaj kal ladkiyon ko har gali-nukkad par chedha jaata hai, unke saath bohot hi durvyavhar hota hai. Sab ladkiyan inn sab se pareshan hai, aur aise logon ko koi kadi saza milni chahiye. Yahan hum ek ladki ke liye aawaz utha rahe hain, aur aise logon ko sahi raaste par laane ki koshish kar rahe hain.
Episode 4
Naukri Uski Jiski Sifarish Thaddi
2 m
Iss episode main hum berozgaari dikhane ki koshish kar rahe hain, aaj kal berozgaari iss qadar badh gayi hai, jaise amarbel badh rahi ho, aur sarkari naukri ke liye maramaari ki to pucho hi mat. Ab jab halaat itne kharaab hain, to kuch log sarkari naukri ke liye sifarish karte hain ya ghoos dete hain to bohot baar kaabil log iss chakkar main berozgar reh jaate hain. Toh inn sab haalaton se pareshan ek berozgaar ki aawaz aap yahan sunn sakte hain.
