चौधर - 2

एक तरफ़ चौधरी परिवार सुंदर की मौत के सदमै म्ह था अर बिंदर इलैक्शन लड़ण खात्तर त्यार होग्या था, दूसरी और राका इलैक्शन जीतण खात्तर एक साज़िश रचै है। के वो अपणी साज़िश म्ह कामयाब हो पावैगा?

सुरज़ा अर भानमति नै बिंदर की समाज म्ह इज्ज़त की चिंता सतावै है अर इसलिए वे पूर्णिमा नै दोबारा घर म्ह वापिस ल्याण का फैंसला करै हैं। के पूर्णिमा आ जावैगी बिंदर के घरनै दोबारा?

बिंदर अर वीर के बीच मन-मुटाव दूर हो जावै हैं, मगर उससे वक्त सुरज़ा अर भानमति सुनिता का लत्ता वीर गैल बांधण का फैंसला करकै सबनै परेशानी म्ह डाल देवै हैं। के वीर उनके इस फैंसलै तै खुश है?

बिंदर नै अपणे पूरे परिवार तै इलैक्शन लड़ण का हौंसला मिलज्या है। सब मिलकै अपणे-अपणे हिसाब तै इलैक्शन खात्तर पीसे देदे हैं। दूसरी औड़‌ राका नै भी रपिये मिल जावै हैं। कौण जीतैगा इलैक्शन की जंग नै?

इलैक्शन तै पहल्या बिंदर नै बहस लड़णी है पर उसनै लड़णी ना आती। वो अपणे दादा भीमा की पुराणी डायरी पड़कै बहस लड़ण चला ज्या है। के बहस जीत पावैगा बिंदर?

इलैक्शन के प्रचार का टैम है। तीसरे उम्मीदवार का पलड़ा भारी है। अचानक ख़बर मिलै है के तीसरा उम्मीदवार गायब है और उसकी वोट राका के हिस्सै म्ह हैं। के करैगा इब बिंदर? के उसका हौंसला टूट जावैगा?

राका अर बिंदर म्ह लड़ाई होज्या है। के इस लड़ाई म्ह मारया जागा बिंदर? और क्युकर बेरा पटैगा सुंदर के कातिल का सबनै? कौण जीतैगा इलैक्शन अर किसकी होगी चौधर? हर सवाल का जवाब मिलैगा इस ऐपिसोड म्ह।