Jaat Meharsingh Ki Ragni (Haryanvi)

Ek fauji ki patni virah vedhna se vyakul hokar akhiri chithi apne pati ko likhti hain jo Fauj mein gaya hai. Ye ragni Shaheed Kavi MeherSingh ke jeewan ki satya ghatna par adharit hain.

Anjana aur Pawan ki shadi ho jati hai toh Pawan bolta hai ki tu shadi se pehle mujhe galat bataya karti aur ispe dono ki ladai hoti hai toh Anjana usko batati hai ki piche ki baaton ka zikr nahi karna chahiye aur agar pichli baatein yaad karenge toh ladai jhagdha hi badhega unhi sab baaton ko ujagar karte huye Meher Singh Ji ne ye ragni likhi toh aaiye sunte hain.

Iss ragni mein Mehar Singh ji ne ek fouji aur uski patni ki baat chit ko ragni me piroya hai ki kaise ek fouji chutti ke din pure hone par jane ke liye bolta hai magar uski patni keh rahi hai ki usko aese paise ki jarurat nahin hai jiski wajah se unhein dur rehna padta hai aur Mehar singh ji ne bahut hi sundar tarike se isme fouji ki baat bhi sabke samaksh rakhi hai.

Ek zamindar ki patni khet mein jaati hai aur dekhti hai ki uske pati ko toh khane-peene ki sudh-budh hi nahi hai toh wo apne patidev ko khana khane ke liye rukke deti hai aur usi par aadharit hai Mehar Singh Ji ki ye ragni.