ओपरी पराई (भोजपुरी)

मोनिका जो एक इज्ज़तदार घर की बहु है, गितवाडै म्ह काम खात्तर गई मोनिका उल्टी घरनै ना आई है। चितां तै घर आळे दुखी होरे हैं। पर किते तै ख़बर मिली है के मोनिका कै ओपरी की समस्या होगी। आखिर कित है मोनिका? के घर आळे ढूंढ पावैंगे उसनै?

सारै गाम म्ह बात फैलगी के प्रवीण की बहु तो घणी मॉडर्न है। प्रवीन नै जब बेरा पटै है के उसकी बहु म्ह पडौसी गाम के किसे छोरै की आत्मा आरी है तो वो उस छोरै के बारै म्ह पता करण लागज्या है। के बचा पावैगा प्रवीण अपणी बहु नै उस आत्मा तै?

मोनिका की हालत घणी खराब है। श्याणै कै‌ भी ले कै‌ जा हैं उसनै, पर घणा कुछ फर्क ना होता। दुखी होकै प्रवीण उसनै अपणे मायकै म्ह भेज दे है। के इस ओपरी की वज़ह तै मोनिका अर प्रवीण का रिश्ता टूट जागा?

ससुराल अर मायका! दोनूं जंगाह डर का माहौल है। श्याणे जब कुछ नही कर पाए तो घरआळे मोनिका नै किसे मनोवैज्ञानिक धोरै लेकै गए। थैरेपी सैशन जारी है। के इसतै ठीक हो पावैगी मोनिका?

सैशन म्ह मोनिका नै अपणा अतीत याद आवै है। जब सब कुछ उसकी जिंदगी म्ह ठीक होणा शुरू होवै है तो वा एक बहोत बड़ा फैसला लेवै है। के ओपरी की वज़ह तै उसकी जिंदगी उजड़ जागी? देखो।