जिद्दी हरियाणवी

9 घंटे बर्फ के नीचै दब्या रया एक शख्स, जिसकी मौत की ख़बर पूरे भारत म्ह फैलगी थी। नैशनल अवॉर्ड लेण पहुंचे तो उन ती झूठा करार दिया गया। पर फेर देखो इनकी जिद्द आग्गै मांऊट ऐवरेस्ट नै भी क्युकर घूटणे टेक दिए?

ज़िंदगी म्ह धोखे भी खाणे पड़ै हैं, नुकसान‌ भी झेलणा पड़ै है पर ज़िद्द नही छोड्डी अर महनत करदा रया। कुछ इस तरिया गिरिजा शंकर नै अपणी महनत की ब्रश तै कामयाबी की पेंटिग बणा दी। देखो इनके जीवन का संघर्ष।

छोटी उम्र म्ह घर की जिम्मेदारी अर बड़े भाई के इलाज़ म्ह घर तक बिक जाणा, आसान ना है। फेर भी अपणे एनजीओ गैल मिलकै ज़रूरतमंद लोग्गां नै सारी मैडिकल सुविधा दवाते रहे। देखो इनके ज़िद्दपण की कहाणी।

पढ़ाई म्ह कमज़ोर इंसान, जिसपै डफ़र का टैग लाग्या था। जिसनै ज़िद्द पकड़ली के इब पढ़णा है। अर फेर इतणा पढ्या, इतणा पढ्या के आज एनजीओ म्ह के बेरा कितणे पढ़ाई म्ह कमज़ोर बच्यां का भविष्य बणाया। क्युकर हो पाया यो संभव? देखो।

आज आईसीएस अकैडमी तै पढ़े होए 95% बाळक सरकारी नौकरी लागरे हैं। पूरे भारत म्ह आज आईसीएस की 200+ ब्रांच हैं। आखिर इसके पीछै के रहस्य है? पूरी कहाणी सुणो इनकी ज़ुबानी।

घरआळ्या नै स्पॉर्ट ना करया अर एक डांस वीडियो बणान के चक्कर म्ह स्कूल तै भी लिकाड़‌ दी गई। पर खुद ठीक तो सब ठीक! फिल्मी लाईन म्ह जाण तै पहल्या या लाईन किरण नै याद राखी अर रिज़ल्ट सबके श्याहमी है। देखो पूरी वीडियो।

बचपन म्ह फूटपाथ पै खिलौणे बेचे, कॉलेज तै फीस जमा ना कराण की वज़ह तै लिकाड़ दिया गया, पर ज़िद्द कुछ बड़ा करण की थी। आज नोर्थ का सबतै बड़ा फेसबुक चैनल चलाण लाग रया है - बीबीएन न्यूज़। सफलता क्युकर हासिल करी? देखो।