Digital ताई (हरियाणवी)

ताई नै इंस्टाग्राम पै ID बणा रखी है और इंस्टाग्राम पै ताई अक्सर लाइव आयी रवै है। अपने चाहण आल्या नै उनकी मन पसंद शायरी सुणावै है अर उन गलै खाटी मीठी बात चीत करै है जबे छोरे का साला आ जावै सै और वो गन्ने का जूस बेच्या करै है। ताई और ताई का छोरा उसकी खूब माटी पीटै है, क्यूकर पीटै है वो तामे खुद देख ल्यो।

ताई मॉडलिंग करै अर बालकां नै पकड़ पकड़ के बिठा के उनपै ताड़ी बजवावै सै। न्यू ताई खुद नै सीसा म देख देख कै खुद की बढ़ाई करै है अर ऊपर तै ताऊ आ जावै है। फेर ताई अर ताऊ की खींचाताणी चालै है, ताई रो पड़ै है रोटी खा के सो जावै सै, उठदे फेर रोटी माँगण लाग जे है, वे भी गर्म गर्म। बहु ताई की बात टाल देवै है तो ताई ऑनलाइन खाना मंगवावै अर सबनै फददू बणावै सै।

जिसा के हामनै पहलां बताया था कि ताई ताऊ कै पाछै पड़ी रवै सै अर इस एपिसोड म तो और भी चाला पाट गया, ताऊ दारू पीकै घरां आ गया अर इब ताऊ नै ताई तै पीछा छुटवाणा मुश्किल हो रहया है, बाकी तामे खुद संभाल ल्यो ताऊ नै।

ताऊ यानी गुलाबो के पतिदेव बहोत घणी दारू पीवै है अर गुलाबो गलै ताऊ की खूब लड़ाई माचै सै। पडोशण गुलाबो नै बतावै सै अक तेरा घरआला चुराहे म तै ठा कै दारू पी रहया है, उसकै ओपरी का होया पावैगा। ताई का छोरा बाबा नै बुला लेवै अर ताऊ के भूत कडवाण की कवै है, आगै स्टोरी म कसूता मोड़ आवै है, वो एपिसोड म देख ल्यो।

ताई बड़े रंगीले अंदाज म नजर आवै हैं, योगा करके ग्रीन टी मांगै है, यूट्यूब पै तै ब्यूटी टिप्स लेवै है। ताई यूट्यूब पै तै सीख कै फेस मास्क बणा लेवै अर जब ताऊ अर बहु उसनै फेसमास्क लाये देखै हैं तो कसूते डर जावै सै, आगै किस गलै क्यूकर के बणै है वो तामे खुद देख ल्यो।