ब्याह के लाड्डू (हरियाणवी)

रूपराम अपणे परिवार की कहाणी बतावै है। इसा परिवार जो हरियाणै म्ह सबतै अतरंगी है। धणी-बीरां की तड़प-झड़प, स्वादू बाळक, रोमैंटिक बेटा अर बहु। जब ये सैंपल एक छांत के नीचै हैं तो फेर के होगा?

चालाक चत्रो! इसी पड़ोसण जो औरत कम अर सीसीटीवी कैमरा घणी सै। आगी है इस अतरंगी परिवार म्ह सांस-बहु की लड़ाई करवाण। के वा कामियाब हो पावैगी?

घर के काम म्ह थोड़ी सहुलियत खात्तर विक्रम घरनै गैस-चुल्हा ले आवै है। खुशी का माहौल था सारै, पर अचानक सुरजा बेहोंश होकै पड़ज्या है? आखिर के होया सुरजै कै?

सारै दिन काम करकै सुमन विक्रम तै कीर्तन म्ह जाण की कवै है। विक्रम नै तो मना लेगी सुमन पर अपणी सासू नै क्युकर मनावैगी? के इन ब्याह के लाड्डूआं का टेस्ट मीठा होवैगा या कड़वा? कुणसा मनोरंज़क मोड़ लेवैगी या कहाणी इब?

चतुर चत्रो नै भर दिए सांस-बहु के कान अर दोनूं सांस-बहु गई कीर्तन म्ह। इब घर नै कुण संभाळैगा? के समस्या आवैगी इन बिचारे मर्दां आग्गै जब इन्नै घर संभाळणा पड़ैगा?

भांडा फूट चुक्या है, परिस्थिति पलट चुकी हैं। पर सुमन की हालत घणी बिगड़री है। एक बार फेर परिवार म्ह चिंता का डेरा जमग्या है। ब्याह के लाड्डूआं का असर दिखैगा इस ऐपिसोड म्ह। के यो परिवार इब दुबारा हाॅंस-मुस्कुरा पावैगा?