बेरोज़गार इंजीनियर

या कहाणी एक बेरोजगार इंजीनियर की सै जिसका नाम है सूर्या। मिडिल क्लास परिवार का यो छोरा अपणे जन्मदिन आळे दिन दोस्तां नै पार्टी देण खात्तर बार म्ह चला जा है। उरै घरआळे इसकी बाट देखै सैं घरनै अर आडै यो दोस्तां गैल पीवै है। घर आळ्यां नै जब बेरा पटैगा के उनका बेरोजगार बेटा पीवै है तो के बणैगी इस गैल?

सूर्या का बाबू उसनै रपियां की तंगी के बारै म्ह बतावै है, सूर्या पै उसकी गर्लफ्रैंड अंजली नै खवाण प्याण के रपिऐ ना होत्ते इसलिए उसनै रेस्टोरैंट की वज़ाय ढ़ाबै पै लेज्या है। के इब छोड़ देगी अंजली उसनै उसकी गरीबी देखकै?

इस ऐपिसोड म्ह सूर्या अपणी गर्लफैंड गैल खाणा खाण खात्तर बैठ तो गया पर उसपै रपिए ना होत्ते। इब के जुगाड लगावैगा सूर्या? के इब होटल के झूठे बर्तन धोणे पड़ैंगे उसनै? के छोड जागी अंजली सूर्या की गरीबी नै देखकै?

आखिरकार सूर्या धोरै एक नौकरी खात्तर इंटरव्यूह का कॉल आवै है। उसकी गर्लफ्रैंड उसकी मद्द करै है इंटरव्यूह की त्यारी करवाण म्ह, पर अचानक अंजली का फोन आता है अर सूर्या का मूड खराब होज्या है। आखिर के बात होई फोन पै जो सूर्या उदास होग्या। के इब सूर्या इंटरव्यूह दे पावैगा?

सूर्या के सारे दोस्त धीरै-धीरै नौकरी पै लाग्गण लागरे हैं अर उन दोस्तां के घरआळे पार्टी म्ह सूर्या की बेरोजगारी पै ताने मारै हैं। सूर्या का बाबू भी उसनै घरनै आकै सुणान लागज्या है। आखिर इब के कदम उठावैगा सूर्या?

नौकरी खात्तर सूर्या नै एक उम्मीद नज़र आवै है। कपंनी आळे उसतै बीस हजार रपिए मांगे हैं। फेर सूर्या एक गलत कदम उठावै‌ सै। आखिर के है वो गलत कदम?

सू्र्या की बेबे मेघना नौकरी करण खात्तर घरनै कवै है तो उसका बाबू मना करदे है। मां अर अंजली के समझाए बाद सूर्या का मूड कुछ ठीक होज्या है अर वो नौकरी टोहण लागज्या है। पर ड्यूटी तै आते टैम अंजली गैल एक हादसा होज्या है। इब के होवैगा अंजली का?

सूर्या का बाबू सूर्या नै एक कंपनी म्ह लगवादे है। उरै सूर्या का दोस्त स्वामी नै रपियां की जरूरत पडज्या है। पैस्यां की तंगी के चक्कर म्ह वो एक गलत कदम उठाण का फैंसला लेवै है। के सूर्या रोक पावैगा उसके दोस्त नै?

सूर्या की कंपनी आळे इसनै नौकरी तै लिकाड़ दे हैं। जिसकी वज़ह तै उसका बाबू उसनै बहोत सुणावै है। उरली कानी अंजली अपणे बाबू नै सूर्या के बारै म्ह बता दे है अर सूर्या तै उसके बाबू तै मिलण खात्तर कवै है। इब क्युकर जावैगा बेरोजगार सूर्या अंजली के बाबू आगै?

सूर्या के सारे दोस्त आछे खासे रपिए कमाण लागज्या हैं। बेरोजगार सूर्या दुखी होकै अपणे मां-बाबू के ताने सुणकै खुद नै कमरै म्ह बंद करले है। सारी उम्मीद टूटण के बाद इब के होगा सूर्या का? के नौकरी मिल पावैगी उसनै या सारी उम्र रह जागा बेरोजगार।