मेड इन भारत (हरियाणवी)

या एक स्वदेशी ब्रांड हैवेल्स की कहाणी है। कीमत राय गुप्ता, जिन्नै 1958 म्ह पंजाब तै दिल्ली आकै अपणे रिश्तेदारां पै रपिए लेकै इलैक्ट्रिक्ल सामान की दुकान करी। कुछ टैम बाद उन्नै हवेली राम गांधी तै हैवेल्स कंपनी खरीदी अर धीरै-धीरै या कंपनी पूरे भारत म्ह फैलगी। इनकी सफलता की पूरी कहाणी इस वीडियो म्ह बताई गई सै।

या कहाणी एशिया की तीसरी सबतै बड़ी कंपनी ऐशियन पेंटस की है। चार दोस्त, जिन्नै रपियां की किल्लत गैल एक गराज़ खोल्या अर इस कंपनी की नींव धरी। गाम तै शुरूआत करकै किस तरिया या कपंनी शहरां तक पंहुची अर फेर पूरी भारत म्ह पैर जमाया यो सब इस पूरी वीडियो म्ह आपनै बेरा पाटैगा।

इस कहाणी सै फूल कपंनी की, जिसका पहल्या नाम था हैल्प अस ग्रीन। दो दोस्तां नै इसकी शुरूआत करी जिस म्ह मंदिरां तै फूल कट्ठे कर उन्नै रिसाईकल करकै धूप, अगरबत्ती अर कई ढाळ की जैविक खाद बणाई गई। इब कंपनी किस तरिया पूरे भारत नै धार्मिक खुश्बु देण लागरी सै यो सब इस कहाणी के ज़रिए बताया गया सै।

या कहाणी धर्मपाल गुलाटी जी की कंपनी MDH के बारै म्ह सै जो एक मामूली मसालै की दुकान चलाकै गुज़ारा करया करते उन्नै जब बेरा लाग्या के मसाल्यां म्ह मिलावट सै तो उन्नै अपणी खुद की मसालै की फैक्ट्री खोली। लाकड़ी के खोखै तै लेकै इतणी बड़ी कंपनी खड़ी करण तक का सफर इस कहाणी म्ह बताया गया सै।

या कहाणी एक साधारण माणस की सै जिसका नाम सै - श्रीधर वेम्बू। इन्नै भारत म्ह अपणे दो दोस्तां गैल मिलकै एक आई.टी कंपनी खड़ी करी। श्रीधर वेम्बू नै अपणी शुरूआत गाम तै ऐ करी अर एडवंटन नैट नाम की कंपनी बणाई जिस म्ह ZOHO नाम का सोफ्टवेयर बणाया गया। इतणे उतार-चढ़ाव के बाद भी किस तरिया कंपनी फैली वो सब इस कहाणी म्ह बताया गया सै।