मांगेराम जी की रागनीयां (हरियाणवी)

पं मांगेराम जी द्वारा लिखित इस रागणी म्हं बताया गया है कि जब एक मां की मृत्यु होज्या तो उसके बाद उसके बालकां नै के-२ सहन करणा पड़ै है अर 'रूप-बसंत' की कहाणी म्हं भी यो ए होया। जब राणी नै ये सारी कहाणी एक चिड़िया के परिवार म्हं घटती देखी तो वा अपणे राजा नै समझाण लागी के दूसरी सौतन से ब्याह करके मेरे बालकां की जिंदगी खराब ना करिए।

या रागणी पं मांगेराम जी की सुप्रसिद्ध रागणियां म्हं तै एक है।इस रागणी म्हं शिवजी भगवान के फकीरी जीवन का वर्णन करया गया है,जब पार्वती मां के ब्याह का जिक्र शिवजी के साथ होया तो शिवजी भगवान उसनै समझाण लागे के एक फकीर और राजा की बेटी का कोए मेल‌ नहीं है।

पं मांगेराम की या रागणी पूरे उत्तर भारत म्हं ब्होत प्रसिद्ध है। जब राजा भरथरी के भाई विक्रम के ऊपर उसकी भाभी नै झूठा दोष लगा दिया तो वो विक्रम रोता होया अपणे भाई नै समझाण लाग्या के तनै आंख बंद करके एक औरत पै यकीन कर लिया और मेरी बात भी नही सुणी। इसे कारण तनै एक दिन पछताणा पडैगा।