कॉलेज काण्ड (हरियाणवी)

केडीयू कैंपस म्ह एक बड़ा घौटाळा होया है। तीन सीनियर स्टूडैंट (सुनील, मुक्की अर संजु) एक छोरै कै बुरी तरिया मारै हैं। एक आदमी गुंड्यां तै बचकै एक फाईल‌ लेकै भाज्जै है। आखिर के है यो घौटाळा? के इन तीनू पहलुआं का आपस म्ह कोए संबध है?

पेपरां खात्तर सख्ताई कर दी गई है। तीनू दोस्त जुगाड़ करै हैं प्रिंसिपल के ऑफिस तै पेपर चोरी करण की पर चोरी करते वक्त बेरा पटै है प्रिंसिपल की मौत होगी। आखिर किसनै करया यो कत्ल करण का षड्यंत्र? इब के होगा इन तीनूं दोस्तां का?

प्रिंसिपल का मृत्यु काण्ड सुळझाण खात्तर संकी पुलिस आळा जोगिंद्र जाखड़ आवै है। कई सुराग हाथ लाग्गैं हैं पर या गुत्थी सुळझण म्ह ना आरी। के यो संकी पुलिस आळा पता लगा पावैगा मर्डर किसनै करया है?

संकी जोगिंदर की घरेलू जिंदगी ठीक कोनी। वो एक बलात्कारी कै घणे मारै है छो म्ह। मुख़बिर तै ख़बर मिलै है तो तीनू दोस्तां नै ठाण का ऑडर देवै है। के तीनू भगोड़े दोस्तां नै पकड़ पावैगा संकी पुलिस आळा?

लवली के काण्ड का दिलबाग नै बेरा हो सै अर वो उसनै ब्लैकमेल करै है। उरै जोगिंदर की पुछताछ जारी है। लवली दिलबाग तै मिलण आवै है तो एक बहोत बड़े रहस्य का पर्दाफाश होवै है। आखिर के है वो रहस्य?

मुक्की पुलिस आग्गै सरैंडर करदे है। इब शक के दायरै म्ह हैं तीनू दोस्त। सबतै पुछताछ होवै है।अचानक पुलिस धोरै एक और लाश मिलण की ख़बर आवै है। गुत्थी सुळझण की वज़ाय और उळझगी। आख़िर कौण करै है ये महाकाण्ड?