दामण की झनकार (हरियाणवी)

इस गीत म्हं एक नई नवेली बहू है जिसकी सासू उसनै पूरा दिन‌ पाणी भरण खातर भेजे जावै है तो वा आखरी म्हं तंग आके अपणी सासू नै इशारे म्हं बतावै है के उस गेल के के दिक्कत आवै है जब वा पाणी भरके ल्यावै है। वा बहू सासू नै इशारे म्हं समझावै है के अगर मैं पाणी भरण जाऊंगी तो मरण का खतरा है

इस गीत म्हं एक नई नवेली बहू जब पाणी भरण जावै है तो अपणे करे होए श्रृंगार का वर्णन करै है और दूसरी बहूआं नै बतावै है के उसपै के के चीज धरी हैं।

इस गीत म्हं एक बहू अपणे श्रृंगार का वर्णन करै है के जब मैं ओढ़ पहर सिंगर कै मेले म्हं गई तो सारे मेरे श्रृंगार पै मोहित होगे।

एक लड़की जो भोत पढ़ी लिखी सै ब्याह के बाद देखे सै के कोई फायदा नहीं उसकी पढाई का और उसके ससुराल आले उसकी पढाई तं घाना और कामां नै तवज्जो दे सं तो वा अपनी मम्मी क आगे उस बात खातर रोवण सै के उसकी तो किस्मत ऐ फूटगी जो इसे घर मं ब्याह होग्या।

कोठे ऊपर कोठरी, मैं उसपे रेल चला दयूंगी इसमं लड़की बहुत समझदर सै आर वा कहना चाहेव सै की अगर उसके ससुराल आले आच्छे तं उसते बात करेंगे तो ऐ वा उनते ढंग तं बात करेगी नहीं तो नाको चने चबा देगी।