जमाना आग्या बहूआं का (हरियाणवी)

इस गीत म्हं एक बहू आपणे पति नै बतावै है के हाम तो सारे सोए पडे थे और पाछे तै मेरी सासू नै चोर ठा लेगे अर मेरी सासू जिसी तो और कोए भी कोनी ज्यांतै उसती टोह के ल्याणा ब्होत जरूरी है।

इस गीत म्हं आजकल के घरेलू हालात का जिकरा करया है के ब्याह के बाद क्यूकर बहू अपणे पति नै मां बाप तै दूर करण की कोशिश करै है। एक बहू आपणी सासू नै कहवै है के तेरा बेटा इब मेरे काबू म्हं है और जो भी घर का हिसाब किताब होगा सारा मैं करूंगी।

आजकल जो हालात ब्होत से घरां के होरे हैं कि सासू और बहू की आपस म्हं तकरार चालती रहवै है तो इस गीत म्हं दर्शाया है के एक बहू आपकी सासू के झगड़े तै तंग आके उसनै कहवै है के हमनै न्यारा करदे तो यो‌ रोज का रोला खत्म हो ज्यागा।

जब एक सासू बहू के ऊपर रौब जमावै है के यो सारा घर-बार मेरा है तो वा बहू उसनै समझावै है के सासू कदे तो मेरा भी टेम आवैगा और या सारी चाबी मेरे हाथ म्हं आ ज्यागी तो फेर तेरा के होगा।